Манас — 2001—2009-жылдары террорго каршы коалициянын авиабазасы, 2009—2014-жылдары АКШнын Аскердик аба күчтөрүнүн транзиттик ташуулар борбору болгон. Объект Бишкектен 23 км түндүк-батышта жайгашкан «Манас» эл аралык аэропортунун аймагында жайгашкан. Аэропорт 1970-жылдардын ортосунда курулган. 2014-жылдын июлунан тарта авиабаза жабылып, аймагы жана инфраструктурасы Кыргызстандын Улуттук гвардиясына өткөрүлүп берилген.
