Алыбек Баатыр Кетиркей уулунун эстелик тактасы
Балыкчы, Балыкчы шаары облуска караштуу, Ысык-Көл
Алыбек Баатыр Кетиркей уулунун эстелик тактасы
Алыбек Баатыр Кетиркей уулу (1787-1855-57-жж.) Аскер башчы, баатыр, көзгө атаар мерген, кыраакы эрөөлчү, найзакер Алптын бири Кетиркейдин Алыбек, өлсең дагы сенден керээз, кайрат бар. Алыбек баатыр саяк уруусунун Каба уругунун бирден-бир жетекчиси. Жаштайынан эр жүрөк, чечкиндүү тайманбас баатыр болуп өсүп, алп денелүү, төгөрөгү төп келип өркүндөгөн чымыр адам болгон. Алыбек баатыр акылкой, баардык жагдайда ачык айкындыкты дайыма көздөгөн "акты ак, караны кара" деп бетке айтаар, адилеттүүлүктү туу туткан, мекенчил инсан болгон. Ормон хан жаңыдан кыргыз мамлекетинин башчылыгына келгенде өлкөнү башкарууга ак дилден, чыныгы иш билги инсандарды тарткан. Алыбек баатырга аскер башчылык кызматын (азыркыча - коргоо министрлигин) жетектөөнү тапшырган. Ормон хандын таяныч адамдарынан болуп Адыл жана Алыбек баатырлар эсептелишкен. Жоокерчилик мезгилде алар баатыр катары элге кеңири белгилүү болушуп, ханга жагып кызмат кылышкан. Уруулар аралык пикир келишпестик мезгилдерде Алыбек баатыр өзүнүн кыраакылыгын, акылкөйлүгүн жана чечкиндүүлүгүн көрсөткөн. Алыбек баатырдын өмүр жолу, кыргыз элинин өсүп келе жаткан муунуна, мамлекетибиздин бирден-бир пайдубалы бул адилеттүүлүк - мыйзамдуулук болгонун билип жана аны аздектеген кадамдарга чакыруучу таалим-тарбиялык, өрнөктүү өмүр сүргөн мамлекеттик инсан катары тарых беттеринде кала берет.Маалымдамада
🍪
Биз cookies колдонобуз кененирээк