Жусуп Абдрахмановдун эстелик тактасы
Жусуп Абдрахманов (1901-1938-жж) Жусуп Абдрахманов 1901-жылы Ысык-Көл облусундагы азыркы Жаркынбаев айылында туулган. Саясий жана мамлекеттик ишмер, эл тарыхын объективтүү изилдөөчү. 1916- жылы Үркүндө эл кошо Кытайга качып 1917-жылы кайтып келген. Жети-Сууда совет бийлигин чындоого катышып, 1920-жылы Москвада өткөн РКСМдин үчүнчү съездинин делегаты болгон. 1924-жылы Түркистан АССРинин борбордук аткаруу комитетинин президиумунун мүчөсү жана жооптуу катчысы болуп шайланган. 1924-жылы Кара кыргыз автономиялуу облусунун облустук партбюросунун жооптуу катчысы. 1926-жылы облустук аткомдун төрагасынын биринчи орун басары. 1933-жылы компартияга каршы аракеттенген деген жалаа менен ишинен бошотулуп, 1937-жылы Жусуп партиянын катарынан чыгарылган. Абдрахманов контрреволюциячыл Алаш ордо уюмунун катышуучусу деген жалган жалаа менен камака алынган. 1938- жылы 5-ноябрда атууга кетип, 1958-жылы акталган.Маалымдамада
🍪
Биз cookies колдонобуз кененирээк